Mirza pur - مرزا پور

 مرزا پور 

سیزن تھری( 3)

آخر کار اتنی مصروفیت کے بیچوں بیچ میں نے مرزا پور کا تیسرا سیزن دیکھ ہی لیا ۔

 مرزا پور کے پہلے دونوں سیزنز کی نسبت یہ سیزن زیادہ ذہانت اور مہارت سے لکھا اور بنایا گیا لگا۔ 

پچھلے دونوں سیزنز میں مار دھاڑ ،گالی گلوچ اور بے جا سیکس سینز کی بھر مار تھی ، تو وہ عمومی سامعین و ناظرین کو زیادہ پسند آئے تھے ، اور پچھلے دونوں سیزنز میں کھیل کا بنیادی مقصد "انتقام" تھا جو ہماری جنتا کا سدا بہار  پسندیدہ موضوع ہے ، ان کے کتھارسس کا عمومی ذریعہ ، چاہے وہ کوئی بالی وڈ یا ہالی وڈ کی گھسے پٹے موضوع والی مصالحہ فلم ہو یا ٹی وی چلنے والا ناگن والا ڈرمہ ہو یا ساس بہو یا گھر کے ڈرائنگ روم والی بک بک ڈرامہ سیریز ، جہاں انتقام کی تھیم کا تڑکہ ہو وہ ہٹ ہے ، 

عوام کو اپنے غموں اور مسائل ،غم و غصہ ، بغض اور حسد سے لتھڑے ذہنوں کو ٹی وی یا سینما سکرین پہ انتقام کی آگ میں جلتا بدلہ لینا ہیرو / ہیروئین میں اپنا عکس نظر آتا ہے اپنے غم و غصہ کی تسکین ہوتی نظر آتی ہے اسی لئے ایسے ڈرامے ہٹ ہوتے ہیں، یہی صورت مرزا پور کے پہلے دو سیزنز کی بھی رہی ۔

اب آتے ہیں مرزا پور سیزن 3 کی طرف  ۔

سیزن تھری کا بنیادی تھیم "طاقت کا حصول اور محور مرزا پور کی گدی " رہا ، چنانچہ راج نیتی / سیاست ،شطرنج کی چالیں ،وفاداروں کی الٹ بازیاں ،ذہانت کے داؤ پیچ میں تشدد ،انتقام ،اور سیکس کا تڑکہ کہیں پیچھے رہ گیا ، حالانکہ گولو کے قتل کے بعد جو خون کی ندیاں بہنی چاہئے تھیں وہ اس طرح سے نہیں بہائی گئیں ، اور گولو کی موت میں گڈو کو دیوانہ دکھایا گیا جو اپنے ہی ہاتھوں اپنی لنکا کو آگ لگا دیتا ہے ، یہ self destructive mode  ہی دراصل اصلی گڈو تھا جو پہلے ہی سیزن سے ہم نے دیکھا ، پھر گولو نے اسے کنٹرول کرنا شروع کیا اور بدل دیا۔ 

دراصل اس سیزن کی آخری اقساط میں گولو کے کردار کی اہمیت کو اسی طرح دکھایا گیا ہے کہ 

گولو کی مشاورت اور ذہانت کی غیر موجودگی میں گڈو سوائے ایک self destructive toy کے علاؤہ کچھ نہیں اور طاقت کی اس سیاست میں وہ ہار جاتا ہے اور پھر گولو اپنی ذہانت اور دانائی سے اسے موت کے منہ سے نکال لاتی ہے ، مرزا پور تھری دراصل عورتوں کا سیزن ہے ، عورتوں کی راج نیتی نے تمام نام نہاد بنیادی کرداروں کو اپنی انگلیوں پہ نچایا ہے جو شاید پدرشاہی سماج کے پالے ذہنوں کو پسند نہیں آیا ، گڈو کے ساتھ گولو ، شرد کے ساتھ اس کی ماں اور مادھوری ، ترپاٹھیوں کے ساتھ بینا ، ان سب عورتوں نے تیسرے سیزن کو اپنی گرفت میں لئے رکھا ۔

یہی وجہ تھی کہ مجھے یہ سیزن پہلے دو سیزنز سے زیادہ پسند آیا اور بے پناہ مصروفیت کےباوجود پورا سیزن بغیر سپیڈ بڑھائے اور فارورڈ کئے دیکھا ۔

یہی دو وجوہات پہ عمومی سیزن بینوں کو یہ سیزن اس طرح سے پسند نہیں آیا جیسے پہلے دو سیزن پسند آئے ۔

میری طرف سے مرزا پور سیزن تھری کو 8/10 ۔ اور پانچ میں سے چار سٹار۔