آپ میں سے کتنے لوگ ہیں جنہوں نے دو سپر خانز کو ایک ہی فلم میں دیکھا ہے ؟
میں بات کر رہا ہوں عامر خان اور سلمان خان کی
جی ہاں انہوں نے اکٹھے ایک فلم میں کام کیا ہوا ہے اس کے بعد میرے ذہن میں کوئی فلم نہیں آ رہی کہ دونوں نے ایک ساتھ کام کیا ہو اور وجہ تنازعہ بھی غالباً یہی فلم تھی کیونکہ دونوں سپر سٹارز کو لگا تھا کہ دوسرے کا رول اس میں زیادہ ہے اور اس کے سینز کم ہیں اس فلم کے بعد واحد ایسا موقع آیا کہ دونوں بلکہ تینوں خانز ایک ساتھ نظر آئے اور وہ تھا امبانی کے بیٹے کی شادی کا موقع امبانی نے تینوں خانوں کو اکٹھا سٹیج پہ ناچنے پہ مجبور کر دیا
جس فلم کا ذکر کرنے لگا ہوں یہ فلم 1994 میں ریلیز ہوئی تھی اور فلم کا نام تھا "انداز اپنا اپنا" اور عامر خان ، سلمان خان کے ساتھ روینہ ٹنڈن اور کرشمہ کپور نے کام کیا ان کے ساتھ شکتی کپور اور پاریش راول بھی شامل تھے پاریش راول نے اس میں ڈبل رول ادا کیا تھا
یہ کامیڈی اور رومانس پہ بنی فلم جس نے اوسط درجے کا بزنس کیا اور اسے سیمی ہٹ کہا جا سکتا ہے دو نوجوانوں کی کہانی پہ بنی تھی امر اور پریم جو کھلی آنکھوں سے خواب دیکھتے ہیں دونوں ایک نمبر کے ہڈ حرام ہوتے ہیں جنہوں نے اپنے اپنے باپ کی ناک میں دم کیا ہوا ہے ایک دن انہیں پتہ چلتا ہے کہ ایک کروڑ پتی شخص کی بیٹی اپنے لئے سوئمبر رچا رہی ہے تو دونوں اس لڑکی سے شادی کرنے گھر سے نکل پڑتے ہیں اور راستے میں دونوں کا ٹکراؤ ہو جاتا ہے اور پھر دونوں نے فلم میں کافی شگوفے کھلائے اس کروڑ پتی لڑکی کا رول روینہ ٹنڈن نے نبھایا اور کرشمہ کپور اس کی سیکرٹری بنی ہوتی ہے
فلمیں ولن کے بغیر تو روکھی پھیکی ہی ہوتی ہیں تو پاریش راول اور شکتی کپور نے ولنز کے رول ادا کئیے ہیں
اب یہ دونوں منچلوں میں سے کون اس کروڑ پتی لڑکی سے شادی کر پاتا ہے یہ تو فلم دیکھ کے ہی پتہ چلے لیکن اپنے وقت کی یہ اچھی کامیڈی فلم ہے جہاں آپ ان سپر سٹارز کو عام سی کامیڈی کرتے ہوئے دیکھ پائیں گے
.jpeg)
کوئی تبصرے نہیں:
ایک تبصرہ شائع کریں