چہلم کے موقع پر کراچی سمیت سندھ کے دیگر علاقوں میں موبائل سروس معطل,,,
امام حسین رضی اللہ عنہ کے چہلم کے موقع پر کراچی اور صوبہ سندھ کے دیگر حصوں میں سیلولر اور انٹرنیٹ خدمات معطل ہیں۔ پاکستان ٹیلی کمیونیکیشن اتھارٹی (پی ٹی اے) کے مطابق چہلم امام حسین کے موقع پر امن و امان برقرار رکھنے کے لیے وزارت داخلہ کی درخواست پر سیلولر اور انٹرنیٹ سروس معطل کردی گئی ہے۔ صدر، کلفٹن، ڈیفنس، نارتھ کراچی، نیو کراچی، انچولی، لیاقت آباد، گلبہار گلشن اقبال، گلستان جوہر، شاہ فیصل کالونی، ملیر اور کراچی کے دیگر علاقوں میں موبائل اور انٹرنیٹ سروس معطل ہے۔ حیدرآباد، ٹھٹھہ، دادو، سجاول، بدین، میرپورخاص، شہید بینظیر آباد، خیرپور، روہڑی اور لاڑکانہ میں بھی سروس معطل ہے۔ اس فیصلے کا مقصد حضرت امام حسین رضی اللہ تعالیٰ عنہ کے چہلم کے جلوس اور مجالس کے دوران حفاظت کو یقینی بنانا ہے۔ حضرت امام حسین رضی اللہ عنہ اور ان کے جانثار ساتھیوں کا چہلم آج مذہبی عقیدت و احترام کے ساتھ منایا جا رہا ہے تاکہ اسلام کے لیے ان کی عظیم قربانیوں کو یاد کیا جا سکے۔ شہدائے کربلا کو خراج عقیدت پیش کرنے کے لیے ملک بھر کے مختلف شہروں اور قصبوں میں ماتمی جلوس نکالے جا رہے ہیں۔ جلوسوں کی سیکیورٹی کے لیے اضافی اقدامات کیے گئے ہیں۔
.jpeg)
کوئی تبصرے نہیں:
ایک تبصرہ شائع کریں