ایک صاحب نے مچھلی کا کاروبار شروع کرنے کا ارادہ باندھا تو، دکان کے لئیے ایک خوبصورت بورڈ بنوایا
جس پر لکھا تھا
""۔۔۔یہاں میٹھے پانی کی تازہ مچھلی فروخت ہوتی ہے۔۔۔۔۔""
بورڈ بن کر آگیا تو کچھ دوستوں کو مدد کیلئے بلوایا کہ ساتھ مل کر بھاری بھر کم بورڈ دکان کے ماتھے پر ٹانگا جاسکے۔
ایک دوست نے بورڈ پڑھا تو پوچھا تمہاری اس کاروبار کی کوئی اور برانچ بھی ہے ۔؟
جی نہیں ۔
تو پھر "یہاں" کا لفظ اضافی ہے ۔۔۔
اب بورڈ اس طرح ہوگیا۔۔۔
میٹھے پانی کی تازہ مچھلی فروخت ہوتی ہے۔
دوسرے دوست نےپوچھا۔
_دوسرے دوست نے پوچھا
کیا اس علاقے میں میٹھے پانی کے علاوہ کھارا پانی بھی ہوتا ہے۔؟
جی نہیں۔۔۔۔
تو پھر "میٹھے پانی" کا لفظ اضافی ہے ۔
اب بورڈ اس طرح ہوگیا۔۔۔۔
تازہ مچھلی فروخت ہوتی ہے۔۔۔
ایک اور دوست نے پوچھا۔۔۔
کیا باسی مچھلی بھی بیچو گے۔؟
جی نہیں۔۔
تو پھر یہ "تازہ" لکھنے کی کیا ضرورت ہے ، یہ لفظ اضافی ہے۔۔۔
اب بورڈ اس طرح ہوگیا۔۔۔
مچھلی فروخت ہوتی ہے۔۔
ایک اور دوست نے پوچھا۔۔۔۔
مچھلی مفت بھی دو گے کیا ؟۔
جی نہیں۔۔۔۔
تو پھر "فروخت" کا لفظ اضافی ہے۔
اب بورڈ اس طرح ہوگیا
مچھلی ہوتی ہے۔
ایک دانا دوست بولے:
مچھلی کے علاوہ بھی کچھ بیچو گے؟
جی نہیں
تو پھر "مچھلی" کالفظ اضافی ہے
اب بورڈ اس طرح ہوگیا۔۔
ہوتی ہے۔۔
اب سب نے مل کر غور کیا تو اس بورڈ کا کچھ مطلب سمجھ نہیں آیا چنانچہ بورڈ کو اضافی قرار دے کر باہر پھینک دیا گیا۔
*بلکل اسی طرح ہم بھی جب کوئی کام کرتے ہیں تو مشورہ دینے والے اور نقص نکالنے والے بہت سے ملتے ہیں مگر ہمیں چاہیے صرف وہی کام کریں جو آپ کو بہترین اور اچھا لگے*
.jpeg)
.jpeg)
کوئی تبصرے نہیں:
ایک تبصرہ شائع کریں