مجھے سیریل کلنگ کے بارے میں جاننا پسند ہے جب میں کوئی فلم وغیرہ نہیں دیکھ رہا ہوتا تو اس وقت میں انسٹا گرام یا یو ٹیوب پہ ان کے بارے میں دیکھ رہا ہوں خدا نخواستہ اس کا مطلب یہ نہیں کہ مجھے سیریل کلنگ میں دلچسپی ہے یا پھر میں بڑا ہو کر کوئی سیریل کلر بننا چاہتا ہوں مجھے ان کی نفسیات کے بارے میں جاننا پسند ہے کہ کون سے ایسے حالات تھے کہ ایک عام انسان دوسرے انسان کا شکار کرتا ہے اسے قتل کرتا ہے اور اس میں وہ مزہ ڈھونڈتا ہے میں نے آج تک مرغی بھی ذبح نہیں کی چہ جائیکہ کہ کسی انسان کو قتل کیا جائے حتیٰ کہ اسے کھا کیا جائے ، جی ہاں کچھ سیریل کلرز نے ایسا کیا ہے اور یہ بات حقیقت ہے کہ سیریل کلرز عام لوگوں کی بہ نسبت زیادہ ذہین ہوتے ہیں کیونکہ اگر یہ ذہین نہ ہوں تو قتل و غارتگری کا یہ سلسلہ جاری نہ رکھ سکیں اور ان میں عمر و جنس کی کوئی قید نہیں ہوتی ہے دنیا کا سب سے چھوٹا سیریل کلر آٹھ نو سال کا ایک بچہ تھا
جس ویب سیریز کا ذکر کرنے لگا ہوں یہ بھی سیریل کلنگ کے بارے میں ہے اور اس کو دیکھنے کی ایک بڑی وجہ روینہ ٹنڈن ہیں جو کبھی میرا کرش رہی ہیں "اکھیوں سے گولی مارے" میں ان کے گوندا کے ساتھ گانے کمال کے تھے لیکن اس سیریز میں ان پہ وقت نے بہت سی گرد ڈال دی ہے وہ چمک دمک نہیں رہی خیر ہم سیریز کی طرف آتے ہیں جس میں انہوں نے ایک روایتی پولیس افسر کا رول ادا کیا ہے جو عام پولیس افسر کی طرح کی ذہنیت رکھتی ہیں یعنی کوئی ذہین پولیس افسر نہیں ہیں لیکن بہرحال پولیس افسر ہیں دوسرا کردار اشوتوش رانا کا ہے جن کی اداکاری کے بارے میں آپ سب مجھ سے بہتر جانتے ہیں وہ ایسی شراب کی طرح ہیں جو وقت گزرنے کے ساتھ ساتھ اچھی ہوتی جا رہی ہو
فلم میں تیسری چیز "توہمات" ہے جیسے گاؤں یا دور دراز علاقوں میں کوئی افواہ اتنی عام ہو جائے کہ لوگ اس کو حقیقت سمجھنے لگیں بشرطیکہ کہ وہ واقعی افواہ ہو
اب تھوڑی سی کہانی کے متعلق بات ہو جائے تو ہماری کستوری بیگم یعنی روینہ ٹنڈن ایک بہت ہی خوبصورت علاقے میں جو چاروں طرف پہاڑوں سے گھرا ہوا ہے پہاڑوں پہ برف جمی ہے اور درختوں سے بھرے جنگل ہیں یہ شہر سیاحوں کی جنت ہے کیونکہ یہاں منشیات وغیرہ بھی آرام سے مل جاتی ہے تو ہوتا کچھ ہوں ہے کہ یہاں آنے والی ایک فرانسیسی عورت کی بیٹی گم ہو جاتی ہے جو اپنے مقامی بوائے فرینڈ اور دو بیٹیوں کے ساتھ یہاں گھومنے آئی ہوئی ہے پولیس میں رپورٹ کرنے کے بعد دوسرے دن ہی اس ٹین ایجر لڑکی کی لاش ملتی ہے جسے زیادتی کرنے کے بعد ایک درخت پہ لٹکا دیا گیا تھا اور اس کے گلے پہ ایسا زخم ہوتا ہے جیسے کسی شیر یا چیتے کا پنجہ لگا ہو اسی علاقے میں انیس سال پہلے ایسی وارداتیں ہوئی تھیں جس میں لڑکیوں کے ساتھ زیادتی اور پھر ان کا قتل کیا گیا تھا دو سال بعد یہ سلسلہ رک جاتا ہے لیکن انیس سال گزرنے کے بعد یہ پراسرار سلسلہ دوبارہ سے شروع ہو جاتا ہے لیکن اس مرتبہ ایک مرد بھی قتل ہو جاتا ہے اور قتل بھی اس مخصوص انداز میں ہوتا ہے جیسے اس سے پہلے عورت یا لڑکیاں قتل ہوئی تھیں اور یہ بات الجھانے والی تھی اس علاقے کے سب ہی لوگ اسے ایک "نر تیندوے" کی کارستانی سمجھتے ہیں یعنی آدھا انسان اور آدھا تیندوا تو اصل بات کیا ہے یہ تو سیریز دیکھنے کے بعد پتہ چلے گی لیکن ایک بات ہے کہ اس سیریز میں چیتے یا تیندوے کا اہم رول شامل ہے
کہانی اتنی الجھی ہوئی ہے کہ ہر دوسرے بندے پہ قاتل ہونے کا گماں ہوتا ہے اور اس میں بہت سے اتار چڑھاؤ ہیں گتھی سلجھنے کی بجائے اُلجھتی چلی جاتی ہے اور اتنا سسپنس ہے کہ میں نے رات کو 2:20 منٹ پہ یہ سیریز ختم کی اور پھر سویا
اشوتوش رانا کی اداکاری اس میں کمال کی رہی اور وہی اس سیریز میں چھائے رہے روینہ ٹنڈن پکی عمر کی لگنے کے باوجود پیاری لگ رہی تھیں باقی اداکار اتنے معروف نہیں تھے لیکن سب نے اچھی اداکاری کی
اگر آپ جرم و سزا پہ بنی ایک معیاری سیریز دیکھنا چاہتے ہیں تو یہ آپ کے لئے بہترین ہے
یہ سیریز 2021 میں ریلیز ہوئی تھی اور یہ نیٹ فلیکس پہ موجود ہے سیریز کا نام پوسٹر پہ موجود ہے
.jpeg)
کوئی تبصرے نہیں:
ایک تبصرہ شائع کریں