ایک دن میں وہیل چیئر پر باہر نکلا راستے میں کچھ بچوں سے ملاقات ہوئی جو کافی اچھے موڈ میں تھے، آج کل بچوں میں کافی شعور آگیا ہے تنگ نہیں کرتے بلکہ بہت پیار سے پیش آتے ہیں، خیر کچھ بچے کہتے بھائی ہمارے ساتھ ریس لگاؤ میں نے کہا ٹھیک ہے لگاتے ہیں میں نے بھی سوچا چلو اسی بہانے میری بھی تفریح ہو جاۓ گی میں وہیل چیئر پر تھا وہ پیدل تھے ریس شروع ہو گئی ہنسی مذاق میں ہی بچے میرے ساتھ اور میں بچوں کے ساتھ دوڑ رہا تھا خیر ہم سب ایک جگہ رک گئے، وہاں ایک بندا کھڑا تھا شکل سے تو کافی اچھا لگ رہا تھا لیکن جب بولا تو زہر ہی اگلا کہنے لگا کوئی شرم کر لو وہیل چیئر پر بھی تم سے چین سے نہیں رہا جاتا وہ تو بچے ہیں تم بھی انہی کے ساتھ بچے بنے ہوۓ ہو خیر سارے شغل پر پانی پھر گیا بچے آگے چلے گئے وہ بندا بھی میرا دل جلا کر چلا گیا میں نے عمر کا لحاظ کرتے ہوۓ اسے کوئی جواب نا دیا، خیر کافی دیر وہی کھڑا رہا دل شاید کافی دکھی تھا لیکن ذہن میں یہ خیال آیا ارے پاگل دکھی کیوں ہوتے ہو لوگوں کا باتیں بنانا اس بات کی دلیل ہوتا ہے کہ آپ نا صرف مظبوط ہیں بلکہ آپ اپنا ایک خاص وجود رکھتے ہیں تب ہی تو آپکو اتنی اہمیت ملتی ہے کہ لوگ اچھی یا بری آپ پر باتیں تو کرتے ہیں اس لئے لوگوں کو باتیں کرنے دیا کریں کیوں کہ یہی لوگ آپکو احساس دلاتے ہیں کہ آپ بھی دنیا میں آئے ہیں آپ بھی اس دنیا کا حصہ ہیں یہی لوگ تو اپکی گم نامی کو دور کرتے ہیں اگر لوگ باتیں نہیں بنائیں گے تو آپکو کیسے احساس ہوگا کہ آپ بھی دنیا میں اپنا کوئی وجود رکھتے ہیں؟
❤️
.jpeg)
کوئی تبصرے نہیں:
ایک تبصرہ شائع کریں